Harald Grill: Bairische Gedichte

128 S., 11,20 Euro, ISBN 3-929517-61-2

Dieser Band enthält Gedichte des bekanntesten bayerischen Lyrikers aus der Zeit von 1978 bis 2003.

11,20 €

Inhalt.

WALDSPAZIERGANG

i mag net
der baam sei
wo s du
herzln eineschneidst
wer ehrlich is
schneidt se
ins eigne fleisch

DA MAI IS AA SCHO GLEI VOBEI

da löwnzahn bricht aus
d wiesn kann se nimmer
ducka beim maahn
da weiher kann an himml nimmer kloabeißn
muaß n schlucka schlucka schlucka

HEIMATGEDICHT

vo obn bis unt a hornhaut
grad zwischn de schulterblaadln net
und de
wo s kennan de stell
wo s di himacha kinnan
de stickan da jedn tag
neie kreizln aaf dein hemadbuckl
jeder solls sehng
dass s di gernham

MEI ARBAT

mei arbat
wachst ma überm kopf
zamm
a daachl
unter dem
bin i guat aafghobn

IM PARADIES
(für d erika)

du glangst ma r an apfl umma
und i daschrick
i suach
unser kernhaus
mecht einekriacha
mecht überlebn mit dir
in am oanzign kerndl
irgendwann
wenn se da erdbodn aaftuat unter uns
irgendwann
wenn uns da erdbodn schluckt

Über den Autor.

Harald Grill

Harald Grill kam 1951 in Hengersberg zur Welt und wuchs in Regensburg auf. Seit 1988 ist er freier Schriftsteller und veröffentlichte Gedichtbände im Dialekt und in Hochsprache, Kinderbücher und Romane. Er produziert regelmäßig Hörbilder mit dem Bayerischen Rundfunk. Im Bayerischen Fernsehen ist er in der Reihe "Traumpfade" zu sehen. Harald Grill erhielt u.a. den Friedrich-Baur-Preis der Bayerischen Akademie der Schönen Künste (1992), den Marieluise-Fleißer-Preis (2003) und den Kulturpreis Oberpfälzer Jura (2006) und hatte Stipendien in der Villa Concordia Bamberg, in Bulgarien und Tschechien.